Հյուսվածքաքիմիայի և էլեկտրոնային մանրազննման լաբորատորիայի կողմից տրամադրվող ծառայություններ

!Ծառայություններից օգտվել ցանկացողների ուշադրությունը հրավիրվում է
Ծառայությունների երկրորդ կետից սկսած՝ նախընտրելի է ծառայություններ մատուցող հետազոտողներին ընդգրկել պատվիրատուի գիտական դրամաշնորհի կատարողների ցուցակում, ինչպես նաև համատեղ գիտական հոդվածների պատրաստում, առաջատար գիտական ամսագրերում տպագրելու համար:
Սույն պահանջը չի վերաբերում առաջին ծառայությանը:

1. Մարդու օրգանների և հյուսվածքների բիոպսիաների հյուսվածքաբանական պատրաստուկների ախտորոշիչ խորհրդատվություն (առաջին, երկրորդ, երրորդ կարծիքի տեսքով):
   Ախտորոշիչ հետազոտությունների որակը կարող է երաշխավորվել նաև Լաբորատորիայի ղեկավար՝Տիգրան Ղևոնդյանի կողմից, ով ունի ա) բժիշկ- ախտաբանի և գիտահետազոտողի աշխատանքի երկարամյա փորձ Գերմանիայում՝ Բեռլինի Հումբոլդտի համալսարանի Բժշկական ֆակուլտետի, Charite, Ռուդոլֆ Վիրխովի անվան Պաթոլոգիայի ինստիտուտում (Բժշկության Մեքքա); բ) պաթոլոգիական անատոմիայի բնագավառում բժշկության դոկտորի գիտական աստիճան; գ) հայերենի, ռուսերենի, անգլերենի, գերմաներենի ազատ տիրապետում, դ) նորագույն և լավագույն ախտորոշիչ պաթոլոգոանատոմիական գրականության կիրառում:
   Այս ծառայության համար դրամաշնորհներ կամ համատեղ հրատարակություններ չեն պահանջվում:


2. Փորձարարական կենդանիների օրգաններից և հյուսվածքներից գիտական հետազոտության նպատակներով հյուսվածքաբանական պրեպարատների պատրաստում ՝ միկրոսկոպիկ պատկերի հետագա մեկնաբանմամբ: Լաբորատորիայում ներդրված և ներկայումս գործում են հյուսվածքաբանական և հիստոքիմիական ներկման հետևյալ մեթոդները՝
   


• Հեմատոքսիլին - էոզին
• Ըստ Վան Գիզոնի ՝ կոլագենային մանրաթելերի համար
• Վան Գիզոնը Ֆուքսելինի հետ էլաստիկ թելերի համար
• PAS- ռեակցիա ըստ ՄակՄանուսի գլիկոգենի համար
• Ըստ Նիսլի նյարդային հյուսվածքի համար
• Պեռլսի մեթոդով երկաթը հայտնաբերելու համար
• Կոնգո Ռոտով ամիլոիդի հայտնաբերման համար
• մեթիլեն կապույտով կիսաբարակ էպոքսիդային կտրվածքները:
Պատվիրատուի ցանկությամբ այլ մեթոդներ ևս կարող են ներդրվել և կիրառվել լաբորատորիայում:
3. Հայաստանում և արտերկրում գտնվող համալսարանների, քոլեջների բժշկական և կենսաբանական ֆակուլտետների համար ուսումնական հյուսվածքաբանական պատրաստուկների պատրաստում հյուսվածքաբանության, պաթոլոգիական անատոմիայի դասընթացների համար
4. Բևեռացված լուսային ռեժիմով մանրադիտակային ուսումնասիրություններ
   


5. Սինթետիկ էպոքսիդային խեժերով կենսաբանական հյուսվածքների փոքր կտորների ներծծում, հետագայում տրանսմիսիոն էլեկտրոնային մանրադիտակի միջոցով ուլտրաստրուկտուրային ուսումնասիրության համար:
   


6. Էպոքսիդային բլոկներից կիսաբարակ հատույթների և բարակ կիսաբարակ հատույթների պատրաստում (վերջինս իրականացվում է ըստ հեղինակի արտոնագրած մեթոդի)
   


7. Կենսաբանական նմուշների, հյուսվածքաբանական, կիսաբարակ պրեպարատների մակրոլուսանկարչություն, լայնաֆորմատ միկրոլուսանկարչություն, միկրոլուսանկարչություն, բևեռացված լուսային ռեժիմով լուսանկարչություն:
   


8. Մորֆոմոտրիկ և ստերեոլոգիական ուսումնասիրությունների իրականացում IMAGE J2x համակարգչային ծրագրի միջոցով, ինչպես նաև հեղինակային օկուլյարային հատուկ ցանցերի օգնությամբ
   

Նախատեսվում է ապագայում ընդլայնել ներկայացված ցանկը նոր յուրօրինակ մեթոդներով:

Լաբորատորիայի վարիչ, Բժշկական գիտությունների դոկտոր, ԽՍՀՄ Բարձրագույն ատեստավորման հանձնաժողովի ավագ գիտաշխատող, ԽՍՀՄ գյուտարար, Առողջապահության ազգային ինստիտուտի և Երևանի պետական բժշկական համալսարանի պաթոլոգիական անատոմիայի ամբիոնների պրոֆեսոր`
Տիգրան Ղևոնդյան
Թարմացվել է Հուլիսի 26, 2021

Կապ մեզ հետ

Հեռ. (+374) 93532692, (+374) 93657725

Էլ-փոստ: tigranghevondyan@yahoo.com